На раённым выпускным балі «Насустрач мары» выпускнікоў 2024 года, іх настаўнікаў і бацькоў прывітаў старшыня Мядзельскага райвыканкама Аляксандр Прановіч. Падзякаваў за выдатную вучобу і працу, дзякуючы якой аб нашым краі ведаюць далёка за яго межамі. Уручыў лепшым выпуск-нікам раёна атэстаты асаблівага ўзору аб агульнай сярэдняй адукацыі з узна-гароджаннем залатымі і сярэбраным медалямі —медалістаў сёлета 10. А вы-пускнік гімназіі горада Мядзела Мікіта Берняк атрымаў пасведчанне спе-цыяльнага фонду Прэзідэнта Рэспублікі Беларусь па сацыяльнай падтрымцы адораных навучэнцаў і студэнтаў. Таксама на свяце адзначылі бацькоў за вы-хаванне дзяцей — узнагароды уручыла старшыня раённага Савета дэпутатаў Антаніна Крыўко. Павіншавалі класных кіраўнікоў. Дэлегацыя выпускнікоў ўсклала кветкі да помніка смуткуючай маці ў Мядзеле. Былі на свяце пажа-данні ад бацькоў і юных вучняў, відовішчныя музычныя і танцавальныя ну-мары. А яшчэ — жарты ад вядомых гульцоў КВЗ, выпускнікоў са Сватак. Канешне, не абышлося без традыцыйнага вальсу. А напрыканцы балю вы-пускнікі загадалі жаданне і выпусцілі ў неба паветраныя шары. На выпускным вечары ў Мядзельскай СШ №1 імя Уладзіміра Дубоўкі выпускнікі не толькі атрымлівалі атэстаты аб агульнай сярэдняй адукацыі, але і па традыцыі пасадзілі дрэўца на алеі выпускнікоў. Крыніца інфармавання: https://narachanka.by/