Эканоміка

У склад аграпрамысловага комплексу Мядзельскага раёна ўваходзіць 15 сельскагаспадарчых прадпрыемстваў, з іх 8 камунальнай уласнасці, 3 рэфармаваных прадпрыемствы, 3 падсобныя сельгасарганізацыі, прадпрыемства СГФ ААТ «Мінскаблсэрвіс».

Прамысловымі прадпрыемствамі на тэрыторыі раёна з'яўляюцца 2 арганізацыі, у якіх асноўным відам эканамічнай дзейнасці з'яўляецца прамысловая вытворчасць і паслугі прамысловага характару, у тым ліку: МОПУП «Ілаўскае» (вытворчасць сокаў, вінаў), РВУП «Мядзельскае ЖКГ» (вытворчасць і размеркаванне цеплавой энергіі, выпрацоўка электрычнай энергіі).

Гандлёвае абслугоўванне ў Мядзельскім раёне ажыццяўляе больш за 320 аб'ектаў рознічнага гандлю, з іх 190 крам з гандлёвай плошчай больш 23,8.кв.м.

Фірмовая сетка прадстаўлена 7 крамамі (3 аб'екты МОПУП «Ілаўскае», 1 аб'ект пры АЗС №11, 1 аб'ект ААТ «Агракамбінат« Дзяржынскі», 1 аб'ект ДТУП «Гандлёвы дом «Лагуна», 1 аб'ект СЗАТ «Отыка», 1 аб'ект “Вінакурня “Нарач”).

Арганізавана работа 60 аб'ектаў грамадскага харчавання з агульным лікам пасадачных месцаў - 2 013, у тым ліку 2 рэстарана, 28 кафэ, 20 бараў, 5 буфетаў, 1 кафэтэрый, 2 кавярні.