У раённым Цэнтры культуры адбылося ўрачыстае мерапрыемства, прысвечанае нядаўняму Дню медыцынскага работніка. З добрымі словамі і шчырымі пажаданнямі звярнуўся да медработнікаў старшыня раённага Савета дэпутатаў Алег Бароўка. Ён уручыў Ганаровыя граматы раённага выканаўчага камітэта і раённага Савета дэпутатаў і падзякі старшыні райвыканкама. Уручыла ўзнагароды і старшыня раённай арганізацыі РГА “Белая Русь” Кацярына Клімовіч. Многіх медыкаў узнагародзілі за працу падзякай галоўнага ўпраўлення па ахове здароўя аблвыканкама, ганаровымі граматамі Мядзельскай цэнтральнай раённай бальніцы. Адзначылі і тых, хто занесены на Дошку гонару Мядзельскай ЦРБ. Узнагароджанне правяла галоўны ўрач ЦРБ Марына Субач.